Lo Centre Cultural Occitan de Roergue (CCOR) es una associacion nascuda en 1979 del GRELH ROERGAS, de l’INSTITUT d’ESTUDIS OCCITANS, de la seccion de teatre de «LA PASTOURELLE» de Rodés e de fòrça autras personalitats occitanas.
Es estat acceptat coma de bon anar per «la joinessa e l’educacion populara».
Es afiliat a l’INSTITUT NACIONAL d’ESTUDIS OCCITANS, reconegut d’utilitat publica e d’educacion populara.
Lo CCOR es lo cercle de l’IEO 12 per Rodés.
A per tòca de :
- Promòure, difusir e defendre la lenga occitana dins totes los domenis.
- Animar lo Roergue Occitan per conéisser, comprene melhor e enriquir la nòstra cultura occitana d’ièr e d’uèi.
Lo CCOR a un sèti a la «Mission Départementale de la Culture», a l’Institut Occitan d’Avairon, al Grelh Roergàs, al «Pays Ruthénois», a «l’Ostal Bodon», a l’IEO 12.
Lo CCOR participa ensems amb las autras associacions occitanas a las diferentas manifestacions per la promocion de la lenga e de la cultura occitanas, a las sesilhas dela Cultura Occitanaper fin de definir un encastre reglamentari al desvolopament de l’Occitan dins l’ensenhament, los mèdias e la vida publica.
Lo CCOR espèra plan contunhar e desvelopar las accions d’animacion alentorn de la cultura occitana e tirar benefici de la capitada bèla de l’ESTIVADA per far d’Avairon lo territòri per excelléncia de la lenga e de la cultura occitanas.
contacte@ccor.eu