Lo Passacarrièra de Rodés per la lenga d’Òc aqueste dissabte 20 d’abril
Amb lo sosten de la coordinacion per la lenga occitana (Tolosa 2012)
Lo Dissabte 20 d’Abrial a Rodés se tendrà lo Grand Passa-Carrièra
Aquela marcha de fiertat ont la coordinacion occitana d’Avairon vos convida a caminar, es per mostrar totas nostras culturas avaironesas e occitanas.
I serem totes : musicaires, dançaires, comedians, païsans, obrièrs, ensenhaires, joves e vièlhs, òmes e femnas per dire publicament qu’aimam nòstra lenga, nòstra cultura, nòstre folclòr, que n’avèm pas vergonha e que los volèm partejar amb totes los qu’an lo còr dubert per s’enriquesir d’una cultura millenara, populara, enrasigada.
Vaquí lo programa :
8h/14h: tripons dins la salla de las fèstas, acuèlh
10h: taulièrs de las associacions, pòrge de la sala de las fèstas
11h: messa en occitan a la catedrala
12h: cantam totes en òc al caireforc Sant Estève (pròche la prefectura)
14h15: partença del Grand Passa-Carrièira, de la sala de las fèstas de Rodés
16h30: arribada a la plaça del Borg, fuòc d’artifici, de cants, danças, musica, teatre, lenga, demonstracions de cosina, etc
18h30: apertiu musical a la salla de las fèstas, balèti
19h: aligòt
21h: concèrt amb Le Comité, Goulamas’k e Gojats of Hedas
Per ne saupre mai: http://www.passacarriera.en-aveyron.com/ e Coordinacion Occitana, plaça Foish, 12000 Rodés – Corrièl: avairondepartamentoccitan@gmail.com – Tel. 06 88 31 64 13 ou 06 66 35 90 03 o 06 20 98 13 26.
(Tirat de: Ostal Sirventés / IEO )