A l’occasion de sa 96ema felibrejada, Lo Bornat dau Perigòrd tòrna far son concors literari annadier emb l’ajuda de l’Institut Eugene Le Roy e de las Edicions Les Livres de l’Ilot.
Veiquí las categòrias que podetz presentar :
1. Poesia.
2. Pròsa : conte, novela o raconte, essai o roman.
3. Teatre : peça en un acte.
4. Revirada en occitan d’òbras en lenga francesa o eitrangiera.
5. Chançon : texte e musica.6. Eituda istorica : monografia sus ‘na comuna o un terrador.
7. Mainatges e escolaris : revirada, pròsa…
Coma de costuma, tots los participants reçaubran per una annada la revuda Lo Bornat (quatre numeròs). Per los primats, daus libres siran oferts per Lo Bornat dau Perigòrd e l’Institut Eugene Le Roy e las melhoras òbras siran tanben publicadas dins la revuda Lo Bornat o en libre a las edicions dau Bornat dau Perigòrd.
Totas las òbras deven eitre redijadas en lenga d’òc e mandadas en doble exemplari emb ‘na revirada, manca l’eituda istorica que pòt se far solament en francès. Quò ‘quí avant lo 31 de mai de 2015 a l’adreça seguenta : Lo Bornat dau Perigòrd Concors literari 13 charriera Kleber 24000 Perigús
Per daus rensenhaments e de las precisions : revue.lobornat@laposte.net. Lo palmarès sirá proclamat a la felibrejada de La Dosa lo 6 de julhet de 2015.
Tirat de: Lo Bornat dau Perigòrd