Se pr
esenta aqueste dijòus, 15 de junh, a 18h00 al Musèu d’Istòria de Catalonha, a Barcelona, lo darrièr libre de Griselda Lozano E d’aquí nasquèron los mites.
Amb la preséncia de l’autora, del cap-redactor de Jornalet e del secretari del CAÒC.
Amb un estil pròpri, entre lo scientific e lo literari, Griselda Lozano nos ofrís amb sas novèlas una reflexion interessanta sus qual sèm e d’ont venèm. Nòstra sciéncia, nòstra cultura e nòstre biais de comprene lo Mond començan de se definir a l’Edat Mejana, mai que mai en Occitània. En aquel moment, Euròpa viu una revolucion sociala e culturala que sens ela la Renaissença seriá pas estada possibla. S’agís d’un trabalh istoric e literari impecable qu’a atench los nivèls pus nauts de lecturas dins nòstre jornal.
Ferriòl Macip – Redactor en cap de Jornalet
Griselda Lozano Carvajal fa lum, amb aquestes articles, sus aquel mond qu’avèm en nosautres. Aprenèm a nos conéisser e a nos reconéisser sus una fruchosa e oblidada branca de la cultura rica e variada que nos sosten. Precís, poetic, concret e coerent, aqueste polit trabalh nos ajuda a reviure de vièlhas istòrias, nos suspren e nos noirís. Benvengut, lector! Espèri e desiri qu’al fil de las oras crescan ton amor e ton esperança.
Valeria Agasso – professora de lenga e literatura.
Sètz convidats.