Lo CIRDÒC aculhirà divendres 16 de junh la fèsta del cinquen anniversari de Jornalet amb un rescontre dels jornalistas que fan l’actualitat en occitan al sègle XXI e una animacion musicala.
18:30 – Debat : quin es lo ròtle dels mèdias occitans dins lo monde d’uèi ?
Amb Ferriol Macip (Lo Jornalet), Fanny Lartigot (La Setmana), Marius Blénet (Ràdio Lenga d’Òc Montpelhièr) e Guillaume Gratiolet ( jornalista ràdio ).
De la webTV al mèdia participatiu sens doblidar los supòrts tradicionals, jos quinas formas l’informacion e lo debat democratic s’exprimisson uèi en occitan ? Cossí cada actor dels mèdias d’informacion en lenga d’òc, concep son ròtle dins lo monde del sègle XXI ?
20:00 – 5 ans de Jornalet, aquò se festeja !
Rencontre amb Ferriol Macip seguit d’un aperitiu musical amb Ballaveu
Dempuèi 5 ans, lo Jornalet, mèdia numeric e collaboratiu occitan, contribuís a la promocion e a la sensibilizacion dels publics al fach occitan.
Tèxt tirat de: Cirdòc