LO JORN DE L’INSTALLACION DELS CONSELHS DEPARTAMENTALS
La lenga occitana e sa cultura son declaradas « EN GRAND DANGIÈR » per l’UNESCO.
Sens ges de reconeissença ni d’estatut en França, lor avenidor passa per la movilización de las collectivitats.
S’agís del patrimòni viu de nòstre Departament, çò que fa qu’aqueste dèu absoludament engimbrar una politica d’avenidor per l’occitan.
Los 2 e 3 d’abriu de 2015 (segon los departaments) vendrem far sonar la
CAMPANADA D’ALARMA PEL PATRIMÒNI OCCITAN
a la pòrta dels conselhs departamentals novèls.
Totes los qu’o podràn far, se portaràn una campana, campaneta o de sonalhas per far tindar la campanada. Portar tanben de bandièras occitanas !
Aital los elegits d’aquesta institucion podràn pas dire que sabon pas que i a un brave besonh d’accion urgenta per nòstra lenga-cultura.
Per mai d’entresenhas podètz escriure a iniciativa-lengadoc@laposte.net
Tèxt: Iniciativa Lengadòc